Është rritur në 70 bilanci i të vdekurve si pasojë e katastrofës së përmbytjeve që ka përfshirë rajone të shumta të Iranit, njoftoi Qendra e Situatave Emergjente e vendit, transmeton Anadolu Agency (AA).

Në një deklaratë për televizionin shtetëror, Pir Husein Kolivend, kryetari i qendrës, njoftoi se 23 persona kanë pësuar në provincën Fars, 14 në Loristan, tetë në Gulistan, pesë në Mazenderan, pesë në Hemedan, tre në Korasanin Verior, tre në Kohgiluyeh Boyer-Ahmad, dhe nga një në provincat Korasani Rezevi, Simnan, Huzistan, Kermanshah, Ilam, Kum, Isfahan, Kazvin dhe Zinxhan.

Kolivend tha se katër persona aktualisht janë të zhdukur në provincat Huzistan, Mazenderan dhe Loristan, kurse 768 persona janë të lënduar në tërë vendin.

Ndryshe, 25 nga 31 provinca të Iranit nga 17 marsi janë përfshirë nga reshje intensive dhe përmbytje që kanë shkaktuar dëme të mëdha dhe viktima.

Në kuadër të aktiviteteve humanitare, Gjysmëhëna e Kuqe e Turqisë ka dërguar mjete humanitare dhe një ekip ekspertësh. Të hënën, Gjysmëhëna e Kuqe turke së bashku me Gjysmëhënën e Kuqe të Iranit dërgoi pesë mauna me ndihma humanitare në rajonet e prekura.